banner

POLARIZACION POLITICO, MEDIO NAN DI COMUNICACION Y PUEBLO TA DESTRUYENDO ARUBA.

 Oranjestad, Aruba.

Ta asina ovio y notable e polarizacion cu ta reina den e  comunidad di Aruba ! Eaki ta culpa di Ken ? Politico nan ? Media nan di comunicacion ? of di nos propio Pueblo ?

Ora analiza henter e situacion actual hopi ta di pensamento cu nos Pueblo ta dividi completamente den pensamento, informacion y idiologia cual riba su mes no nesecariamente lo mester ta algo malo ja cu cada persona ta independiente pa pensa y escoje riba nan mes. E problema ta e manera cu nos pueblo ta reaccionando y manifestando nan mes publicamente y aki mester bisa cu tecnologia ta hunga un roll sumamente importante, red nan social ta un instrument unda cu pueblo ta expresa nan mes habiertamente riba diferente topico  cual ta nan derecho, pero aki ta unda mester para keto un rato y pensa ki influencia e Politico nan y e media nan di comunicacion tin den e partisipacion di nos pueblo den debate nan riba diferente tematica actual. A bira asina comun cu politico nan ta tira acusacion nan den halto un riba otro sin conta cu ningun tipo di prueba, ta manipula asina hopi cu informacion nan pa asina pone e situacion na nan ventaga y despues sconde nan mes tras di e palabra (POLITICO MESTER TIN LOMBA HANCHO )y asina difama otro dia aden y dia afo unda e Media nan di comunicacion y periodista tambe a adopta e modalidad aki di tira lodo den direccion di politico nan cu no ta di nan agrado y poco poco esaki a cuminsa sali for di man cu no tin respet mas ni pa sostenedor nan y Familiar nan di e politico nan. Kiko esaki ta trece cune ? cu nos respet, moralidad, convivencia y tolerancia un pa otro no tey mas, esaki ta algo sumamente peligroso y mas aun riba un Isla asina chikito manera Aruba unda cu e imagen di un persona por wordo mancha asina lihe cu tur su consecuencia nan. 

E speranza ta cu e forma di politica cambia na Aruba y aki ta pone e bista riba Nos hoben nan cu lo mester tuma e batuta over apesar cu e ejemple cu nan ta hayando no ta e mihor nos mester keda semper positivo cu lo por bin cambio nan importante den un futuro sercano.

Nos Aruba ,                                                                                                                                                                          One Happy Island 

 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com