banner

Luigi Bergen, Despues di a wordo Suspendi pa Minister Romero awor ta Huramenta como Parlamentario

 Oranjestad, Aruba 

Candidato Luigi Bergen di partido MEP despues di ultimo eleccion no a logra drenta Parlamento di Aruba y a haya oportunidad di bai traha cu Minister Cris Romero como Coordinador prinsipal na su ministerio. Bergen lo a wordo suspendi di su funcion y manda cas pa investigacion despues cu su casa lo a haci publico e problema nan cu nan tin na cas y a pone como causante e relacion amoroso cu Bergen lo tin cu un colega di trabou den e mesun ministerio unda e ta labora. Casa di Bergen  a publica y denuncia Berguen pa abuso domestico unda cu Bergen  a desmenti tur esaki pero si a admiti di a namora di su colega . Minister Romero no a basila y a manda Bergen cas dibiaha mirando cu esaki no lo ta algo aceptable na bista di e Minister, naturalmente esaki no a cai den bon tera y aki mester bisa cu a keda hopi friccion den e dos colega nan di partido unda Lider di partido mester a interveni den mas cu un ocasion.

Diaranson merdia Bergen ta huramenta dilanti gobernador pa forma parti di parlamento di Aruba.

Hopi ta puntra nan mes ta con por ta posible cu un serbidor publico cu ta riba suspension y cu ta pendiente di un investigacion por ta huramentando como parlamentario? esaki no ta forma parti di un screening ? 

Miembro nan di Partido ta sinti cu tin un tension awor aki den parlamento y te hasta gobierno mirando cu Bergen por bira un problema door di e friccion cu e tin cu minister Romero. den un ultimo intrevista cu Bergen a duna e no kier a bai riba e situasion familiar y no a duna niun indicasion si esaki a wordo resolvi.

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com