banner

Despues di Converencia di Prensa di Minister Otmar Oduber awe merdia Metacorp strike back

Oranjestad, Aruba

Minister Otmar Oduber a tene un conferencia di prensa awe merdia pa mustra e otro banda di medaya relaciona cu e carta cu Metacorp a manda pa empleado nan mustrando nan precupacion pa cupo di trabou y futuro di algun negoshi cu ta resalta bou di e grupo aki .Oduber a cuminsa na bisa di ta sorprendi y desepciona cu e carta mirando cu desde inicio di gobernacion Wever-Croes a reuni cu donjo y diferente gerente di Metacorp pa soluciona diferente problema nan cu e grupo aki tawata tin andando cu gobierno anterior, entre nan e disputa den corte pa cu e tereno di The Cinama unda cu Oduber a mustra di a jega na solucion cu e grupo aki paso e ta kere den comercio local y den stimulacion di economia tambe e la mustra na nos cu a traha cu Ecotech pa cu colaboracion cu Serlimar pa loke ta desperdicio. E mandatario tawata enfatico si na momento cu e la bisa cu e ta un Minister cu mester wak pa bienestar general di Aruba y no di un Negoshi en particular. Awor cu Metacorp y famia de Veer no a haya nan kier mirando cu tin ley nan cu mester cumpli cu nan pa salvaguarda nos compania estatal mi ta e Minister di mas Malo cu tin Oduber a bisa.

Ecogas ta beslag Serlimar 

Despues di conferencia di Minister Oduber ta bin na conocemento publico cu ecogas ta pone un beslag riba serlimar pa 3 luna di atraso pa cu pago cu serlimar lo mester haci pa ecogas, naturalmente e prome pensamento ta cu esaki ta un represaria contra e minister encuestion pa cu su conferencia di prensa . E situacion aki lo bai bira mas interesante durante e dia nan nos dilanti enbista cu ecogas tambe tin cuenta nan miyonario habri cu otro compania nan estatal entre nan WEB NV cual cuenta ta core den miyones , pregunta ta ? Gobierno lo bai pone beslag riba ecogas pa cu e cuenta nan aki ?

Gobierno di Aruba ta bisa di ta cana un caminda corecto pa cu bienestar di Aruba y no ta traha bou presion di un comerciante. 

 

serlimar

 

 

 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com