banner

Tenshon ta aumenta na frontera Colombo Venezolana cu Practica militar cu a cuminsa awe !

 Caracas, Venezuela 

Nicolas Maduro Presiden di Venezuala ta anuncia cu tin un amenaza real di conflicto cu Colombia. President Maduro ta mobilisa tropa nan militar y armamento nan pisa di guerra pa frontera cu Colombia y Brazil, e lider di revolucion Venezolano a bisa di ta preparando pa defende soberania y ta kla pa cualkier intervencion di parti di colombia despues cu Ivan Duke president di Colombia a acusa e gobierno di ta un gobierno cu ta proteje terorista nan , esaki despues cu informacion di inteligencia a indica cu e miembro nan di e elite terorista FARC ta den teritorio Venezolano cu permiso di e Gobierno di e pais . Apesar cu e practica nan militar a cuminsa awe y lo dura te 28 Sept. 2019 Ivan Duke a bisa cu alto mando militar Colombiano ta vigilando hopi di serca e practica nan aki pero no lo cai den e provocacion nan di e pais bisinja, cu esaki e la indica cu no lo aumenta presencia militar na frontera.

President di e comision di poder nan poblico di Asamblea Nacional Constituyente Venezolano Pedro Careño a lanza amenaza nan fuerte awe den un programa di TV di e cadena Globo Vision unda e la indica cu nan tin cordenada di diverente punto nan estrategico di colombia y cu di ta nesecaio den cuestion di 11 seconder nan avion nan di guerra lo ta bombardiando e punto nan aki . Careño tambe a manda Amenaza pa mas pais nan den region y sigur Aruba no a keda afo , e la indica cu si Aruba mester usa su aeropuerto pa saca avion nan di guerra di colombia of merca nan armamento sofistica di guerra lo destrui e avion nan aki prome cu nan lanta mes for di Reina Beatrix Aerport . Careño a bisa di ta kla pa klaba e bander Venezolano riba e Isla nan di ta nesecario .

 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com