Weekend di Serlimar vs Meta Corp 

 Oranjestad, Aruba 

Despues cu den fin di siman nos comunidad por a Tuma nota di un campanja hopi fuerte cu e dos compania tanto estatal y priva a hiba pa asina nan mustra nan eficiencia y punto di Bista di cada un pa justifica motibo di nan existencia nos ta habri un siman nobo y lo mester bai wak con e lucha Aki ta bai continua den Parlamento di Aruba .Ta Tristo si pa bisa cu atrobe nos tin un comunidad dividi, algun ta compronde pakiko Selimar mester keda como e unico compania (estatal ) Legal pa procesa desperdicio riba nos Isla y otro nan cu no ta wak e Big Picture di henter e situacion y ta defende e compania Priva EcoTech y Ecogas cu ta pertenece na Metacorp.Ta sinti cu tin un confucion grandi mirando cu ningun caminda ta mustra cu  e Ley nobo lo stroba cualkier compania di recohe sushi, e ley aki unico cos cu lo e haci ta fortifica un ley existente cu ta bisa cu Selimar ta e unico compania cu por PROSESA E SUSHI DESPUES CU E WORDO RECOLECTA, pa splica mas na placa chikito, e punto final di e shushi cu cualkier compania recolecta mester termina na Selimar. Awor ta bin lo interesante cu hopi hende no ta para keto riba dje ! Pakiko e sushi aki lo mester keda exclusivamente den man di selimar y no un compania Priva ? Pa asina garantisa cu e Landfield (Dump ParkietenBos) cu nos conoce actualmente haya un solucion permanente y duradero .Mientras tur Partido ta pleita actualmente pa e desperdicio awe, niun hende no ta puntra nan mes kiko ta bai pasa cu e DUMP aki ? Tur e persona nan cu pa anjas a wordo afecta door di e huma y gas nan toxico cu e sushi nan aki ta produci, ken a para keto un rato y pensa riba tur e barrio nan afecta rond di e area aki (Dump) cu pa decadas no por a haya nan calidad di bida cu nan merece?. 

 

Monopolio  

Un palabra cu nos a bin ta scucha den e ultimo Lunas nan cu tur hende ta ripiti y ripiti manera disco rasca sin  puntra di kiko tur esaki ta consisti. Pakiko ta un solo compania mester Prosesa e producto final di tur compania cu ta recolecta shushi ? Well Esaki tin di haci cu e cantidad di sushi( desperdicio) cu nos Isla ta produci, Pa stranjo cu e por sona nos Isla no ta produci suficiente Sushi pa asina mas cu un compania por haci negoshi di esaki, e cantidad total di sushi cu nos Isla ta produci pa dia, luna y anja ta net net e cantidad pa por traha cune y produci placa cune, esaki kemen cu si duna espacio pa mas compania Procesa sushi e no lo ta rendable pa asina por jega na un final pa loke ta Parkietenbos (dump).Awor pregunta cu nos tin pa haci nos mes ta ? Nos ta prefera pa tin un Monopolio cu ta keda di land Aruba ? Of nos kier duna un compania Priva e Monopolio manera nos a haci cu Nos Waf unda awe nos tur ta keha cu ta caro ? Un Monopolio estatal semper lo ta mas cumbiniente pa e pueblo cu uno priva paso na final di Dia cua Gobierno y cua politico lo kier aumenta prijs pa asina perde nan popularidad ? Mientras un compania priva haya e monopolio aki no lo worry kiko e pueblo Pensa of sinti mientras e ta gana placa. Tambe lo ta existi e opcion di laga tur cos mane cu e ta bin ta tumando lugar e ultimo anja nan of cu Gobierno mester bai subsidia fondo pa sania situacion di Dump cu na final ta for di e cartera di Pueblo mes e ta sali pa asina Ecotec y Ecogas por sigui Gana placa . Runion cu awe mester a tuma lugar den parlamento a wordo cancela pa asina Parlamentario nan haya mas oportunidad pa analisa y studia e situacion cu mas atencion, Parlamento di Aruba y Parlamentario nan trabou no lo ta uno facil pa cu e tema aki pero sigur no tin duda cu nan prioridad ta bienestar general y salbaguarda patrimonio di Pueblo riba cualkier interes priva.

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com