Polis, RST, Landsrecherche y mas autoridad  a haci entrada Hudicial na diferente adres den ora di mainta .

Oranjestad, Aruba 

Despues di hopi tempo e famoso ( Tereno Gate ) a rebenta, pa hopi tempo y tal ves te hasta anjas nos comunidad a bin ta scucha politico nan di oposicion ta acusa e Donjo y e tempo ey Directora di radio Canal 90 Sra. Leoncita Arends di a enrikece su mes cu tereno comercial di Pueblo, mas ainda tur esaki a cuminsa na momento cu Minister di e propio Gabinete Otmar Oduber  a sali y bisa cu tin cos nan cu no ta corecto ta tumando lugar cu e Minister encarga cu tereno Benny Sevinger y e donjo di Canal 90 FM te na e punto cu e Minister di e tempo ey Otmar Oduber a entrega su retiro como minister y a bandona e partido. Aki a cuminsa un guerra formal contra di Otmar Oduber caminda cu e radio a bolter completamente riba dje y te cu dia di awe tur dia Nelson Speed Andrade ta ataka e actual mandatario den un forma denigrante y baho. 

ACUSACION NAN DI ODUBER CONTRA DI LEONCITA 

Mandatario di e epoca ey Otmar Oduber a acusa Donjo di Canal 90 cu Prome Minister di Aruba Mike Eman di ta den compicidad cu Minister Benny Sevinger y algun di su trahador nan di ta otorgando tereno pa despues bende esaki nan. Sra Leoncita Arends atraves di diverente NV tawata pidi Benny S. tereno y sin cu tawata desaroya esaki nan Arends tawata bende e tereno nan comercial aki pa suma extraorbitario cu comerciante nan local y di afo. Mester bisa cu e acusacion nan aki tur a haya mas forsa or documento nan a cuminsa sali cu tawata demostra e practica cu Leoncita Arends a haci den varios ocacion, number nan di cuenta bancario y firma nan a cuminsa popUp manera jerba den cura. Apesar cu na inicio Arends a nenga y refuta tur e acusacion nan aki na sierto momento no por a haci esaki mas ora cu tur e documento nan a cuminsa sali y e la usa argumento cu esaki no ta algo Ilegal, cu ta comerciante e ta .

SITUACION ACTUAL 

Despues di cambio di Gobierno esun actual a sali y mustra riba loke nan a cualifica como desaster cu a tuma lugar den e ultimo 8 anja na departamento encarga cu Tereno cu tawata na encargo di Sr. Benny Sevinger, tambe e Minister Actual Otmar Oduber a informa cu a pidi un investigacion forensico riba e maneho di tereno pa e ultimo  anja nan atras . Ta hopi cla cu e entrada nan hudicial di awe ta relaciona cu e investigacion cu ta tumando lugar unda tanto residencia di Ex minister Benny Sivenger, Leoncita Arends y tambe di Gabi Werleman consehero principal y ex candidato di partido AVP a haya bishita di cuerpo di husticia y a confisca diferente documento y articulo cu por ta di interes pa cu e investigacion. Ta bon Pa remarca cu nunca antes den Historia politico di nos Pais nos a conoce cu dos Ex Minister di e mesun Partido ta enfrenta cargo nan asina pisa di corupcion unda cu un di nan a wordo haya culpable caba y sentecia na 4 anja di Prison ( Sr. Paul Croes ). Ministrerio Publico ta hermeticamente sera pa duna comentario si lo bai tin detencion den e ora nan nos dilanti. E pregunta ta ? lo ta hopi laat pa a haci e entrada hudicial nan aki ? of ta net lo contrario y tin asina hopi evidencia cu acto nan coruptivo a tuma lugar cu awor ta haci e entrada nan aki ?

 

Gaby y dump comiosion2 leoncita

 

 

 

 

 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com