Parlamento di Aruba tin un Desicion Historico den nan man.

 Oranjestad, Aruba 

Awe den edicion di noticia 22 Oct. Minister Otmar Oduber una vez mas a manifesta cu e futuro di Serlimar y di Dump ta den man di Parlamento di Aruba. Miembro nan di parlamento tin hopi presion pa cu e ley di Serlimar, Presidente di Parlamento Sr. Ady Thijsen no a pone fecha ainda pa continua cu e runion, esaki a wordo suspendi  bou di e pretexto cu publico den tribuna lo tawata birando mucho emocional y pa seguridad y trankilidad a suspende esaki, pero fuente den parlamento a informa nos cu e motibo real cu Presidente di parlamento a suspende esaki tawata e presion di su colega nan den parlamento cu no tawata riba e mesun pensamento y no lo por a haya sosten pa e ley aki pasa. Mandatario en cuestion a expresa cu December 2019 e ta bandona arena politico manera e la anuncia caba y lo keda na e Parlamentario nan con nan lo wak Pueblo den nan cara despues di a laga e oportunidad pasa pa pone un Final na mas di 30 anja di un contaminacion sistematico cu a tuma lugar na dump durante e ultimo decada nan. Otamr Oduber a bisa cu e la purba na mas di un ocacion y te ainda e ta habri pa cualkier cambio cu Parlamento kier bin cune, Mandatario a expresa cu ta hopi cambio nan a haci caba durante di henter e proseso despues di a sinta cu un cantidad di gremio nan cu tawata tin nan precupacion nan pa asina jega na un balance. Oduber a expresa cu mirando cu parlamento mes no s bin cu nota nan di cambio y te cu awor aki Parlamento no por sali y bisa cu exactitud ta pa kiko nan ta conta di e ley aki, no ta kede nada otro cu saca su conclucion cu Parlamento lo ta para pa presion nan economico y di poder di un compania priva riba e bienestar general di henter nos Isla. Pa complica e situacion y haci eski mas peligroso Parlamentario Ricardo Croes lo kier negosha cu henter e situacion aki, informacion nan risibi ta mustra cu Ricardo Croes lo a pone su carta nan riba mesa y a bisa cu pa e bai voor e Ley di Serlimar su colega nan den coalicion mester para su tras cu legalisacion di cannabis recreacional cos cu 2 anja di gobernacion e no a logra ainda. Por sinti cu Minister Oduber awe a mustra cu e a purba todo por todo di logra algo cu pa anjas nan largo diferente gobierno a priminti y tur a lubida riba e promesa nan aki ora nan logra drenta gobernacion. Ta bon pa enfatisa cu e Ultimo debate politico prome cu eleccion dos anja pasa tur lider politico a bisa cu Dump ta un prioridad y cu lo mester sera esaki y sanea e side aki .

Loke hopi ta puntra nan mes ta ? kiko lo pasa si ley di Serlimar no conoce un aprobacion di Parlamento ?

Gobierno di Aruba lo mester sigui subsidia Serlimar mas di 22 miyon Florin pa anja manera ta bin ta pasando desde su existencia . 

No lo tin espacio Financiero pa busca solucion cu e Dump actual y no lo por sanea esaki .

Parkitinenbos Dump manera nos conoce lo mester cuminsa opera back den su totalidad cu tur su concecuencia nan cu esaki trece cune 

Bario nan den cercania lo mester sigui den e crisi ambiental cu nan ta bibando aden pa anjas nan largo cu awe tin nan calidad di bida y salud deteriora .

esaki pa menciona algun di e concecuencia nan mas importante di henter e situacion.

banner5

STOP CHILD ABUSE

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com