Ronald van de Berg ta adverti Gobierno y Minister Oduber di hiba nan corte 

 Oranhestad, Aruba 

Canadian Bank Note ta adverti Gobierno di Aruba cu no lo acepta sin mas pa bin cu un Fundacion ( lotteria) nobo pa e Isla, esaki despues cu na varios ocacion Minister Dangui Oduber a afirma cu e lo bin cu un lotteria nobo si actitud di directiva di Canadian Bank Note Aruba no cambia, dia nan atras Oduber a mustra cu e share pa Aruba su deporte no ta uno corecto y justo. Mester recapitula cu desde cu Oduber a bira Minister no a haya coperacion di Raad ni partisipacion pa asina haya espacio pa ejecuta su vision y maneho cu e la campanja cune y logra drenta gobernacion, Oduber den mas cu un ocacion a mustra y manifesta cu Lotto pa deporte a wordo secuestra pa un cartel cu no tin interes di deporte na pecho sino nan interes personal. Punto di bista di Ronald Van de Berg ta cu no tin espacio pa dos lotteria na Aruba y cu nan no lo keda man crusa si acaso Oduber cumpli cu loke nan ta considera cu ta un amenasa, CBNA lo busca caminda di corte pa asina stroba Oduber di lanta un otro Fundacion, Van de Berg ta di opinion cu nan ta cumpli cabalmente cu tur pago di subsidio pa loke ta deporte aki nan Aruba. 

Pregunta naturalmente ta surgui cu si tur cos ta cana manera mester ta y ta cumpli cu tur cos, cua ta e razon cu no kier comparti informacion ni duna Gobierno ningun espacio pa  por wak cifras nan pa cu e Fundacion cu lo mester zorg pa deporte na Aruba .

banner6

STOP CHILD ABUSE

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com