Ta parce cu sentencia y castigo di prison ta persegui AVP y su candidato nan. 

 Oranjestad, Aruba 

Si nos pasa den historia di e ultimo anja nan di partido AVP mester bisa cu mal maneho y corupcion ta latente den ceno di e partido y su candidato nan. Ta fresco ainda den memoria di Aruba con Lider di partido AVP Sr. Tico Croes a wordo sentencia den Fondo desaroyo San Nicolas, apesar di no a haya castigo di Prison e tempo ey e la wordo haya culpable y a haya trabou comunitario. Despues di algun anja e storia ta ripiti y aki Paul Croes ta ser acusa di abuso di poder, labemento di placa, soborno, corupcion administrativo entre algun di e cargo nan pisa cu a wordo proba den un caso largo den corte di justicia cu resultado cu awe Paul Croes ta sentencia na 4 anja di Prison, Paul Croes actualmente ta den libertad wardando apelacion pa purba baha su sentencia. Ex Minister Benny Sivinger ta otro Ex Minister cu ta sospechoso principal den caso Avestruz, si pensa cu caso IBIS di Paul Croes tawata grandi mester remarca cu Avestruz ta un mouster compara cu esaki, Ex Minister Benny Sivinger tin un sin fin di acusacion nan di corupcion cu Ministerio publico ta bezig ta investigando pa sa con leuw su partisipacion ta den esaki. Ex Minister Richard Arends ta otro Ex Minister di AVP cu apesar cu no tin un investigacion judicial ainda den su contra tambe su nomber ta aparece den un investigacion forencico cu ta tumando lugar den RDA ( refineria di Aruba) unda lo mester sali na cla si e la enrikece su mes di un forma ilegal atraves di e compania estatal aki. Pa pone e cherry riba e bolo awe Pareha di Ex Minister di AVP esta Sr. Richard Visser ta wordo sentencia na 15 luna di Prison no condicional pa fraude di mas di 1.2 miyon di Euro y falsificacion di Documento. Aysel Erbudak kende ta e Pareha actual di Sr. Richard Visser a wordo haya culpable despues di un proceso largo tambe den corte, Visser den su ultimo intento aki na Aruba riba Lista di AVP a bisa cu opositor ta inventa y acusa su pareha sentimental pa fin nan politico den su contra.  Awe juez a sentencia  Aysel Erbudak na 15 luna incondicional y ta ser proibi pa por ta Directora di cualkier instancia pa e proximo 6 anja nan .  Anja 2020 lo bai bira un anja sumamente interesante politicamente mirando cu hopi investigacion nan lo mester duna nan resultado nan unda ta demostra culpabilidad of inocencia di varios politico nan aki na Aruba .

pic cortecia noticiacla.com 

 STOP CHILD ABUSE

 

 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com