COMERCIANTENAN BEK NA NAN LABORNAN DIARIO DESPUES DI CASO CHASIS RESOLVI

Oranjestad,Aruba

Problema entre dos Comerciante cu tawata reclama cu nan ta propietario di e mesun chasis a pone cu ambos a pasa par di ora deteni pa interogashon. Informacion den fin di siman riba disputa di propiedad di un chasis entre dos comerciante di cargo a keda resolvi diadomingo mainta. E caso inicial aki riba disputa di propiedad di un chasis a cuminsa cu detencion di e comerciante C.T. basa riba un denuncia entrega contra su persona pa e comerciante R.H.. Despues cu C.T. a haya su libertad y mustra polis su pruebanan, pa completa e investigacion riba e caso aki, autoridad a opta pa yama e comerciante R.H. tambe aden pa interogacion diasabra atardi. Diadomingo mainta acontinua cu e investigacion cual a keda conclui finalmente unda e comerciante R.H. tambe a mustra pruebanan cu e tabatin desde prome dia, riba su propiedad di e chasis en cuestion.

Recherche a notifica fiscal cu nan ta cla cu tur informacion necesario pa aclarea e problema y saca afo unda henter e problema a cuminsa, ambos comerciante por a reanuda nan labornan diario.

STOP CHILD ABUSE

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com