Diasabra anochi Aruba a gosa di tremendo espectaculo deportivo bon organisa .

 Oranjestad, Aruba 

Diasabra anochi AFC 10 a tuma lugar den Aruba Entertainment Center unda mester bisa cu pa prome biaha aki na Aruba un organisacion ta logra pone un Fight Card asina bon den otro unda e main event di anochi tawata entre Joziro buye (the bull) di Aruba conta Carlos ( el matador ) Matos di Santo Domingo. Cu 11 pelea cual 3 tawata pa titulo fanatico nan di e deporte por a disfruta un anochi unico unda Aruba a celebra e victoria di Joziro Buye (the bull) kende a vence Matador pa knock out indiscutible e anochi aki, un pabien sigur pa Organisador nan di AFC 10 tambe sigur na nos colega Greg Croes cu a traha incansablemente pa por logra un super evento deportivo pa e Fanatico nan y Aruba completo. 

Lamentablemente mester bisa si cu no ta tur publico a comporta nan mes bon y aki un biaha mas a tira bleki cu cerbes y tambe cups cu ijs den e octagon (ring) incluso prome cu e pelea a termina , tambe den publico tawata tin diferente discucion nan cu a termina na tiramento di stoel y pushamento. E tipo di comportacion nan aki no ta juda e deporte di MMA crece na Aruba y mucho menos juda e deportista nan, mester gradici cu un di e bleki nan aki no a dal un di e bringado cual por sufri un leciona pa semper y pone cu nunca mas nan no lo por bringa, Fanatico nan mester pensa cu si un di e bleki of un cups cu ijs mester herida un bringado internacional malamente kiko esaki lo trece pa e imagen deportivo di Aruba .  

Riba e video aki por wak e ultimo minute nan unda cu Joziro ta Knock out Carlos EL MATADOR Matos y tambe na momento cu e yobida ci bleki y cups a cuminsa. 

STOP CHILD ABUSE

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com