Despues di hopi anja Aruba lo conoce TRANSFERENCIA REAL TIME di banco pa banco 

 Oranjestad, Aruba 

For di un articulo cu e revista Florin a saca nos a bin compronde cu despues di hopi anja Aruba lo conoce transferencia real time di banco pa banco, algo cu mundialmente ta tuma lugar pa anjas caba. Apesar cu e noticia aki ta uno positivo e revista florin a mustra cu esaki no lo bin sin su sorpresa nan, Florin ta duna di conoce cu Banco Central di Aruba lo kier pone un gasto adicional pa e servicio aki ora e transferencia ta riba e suma di 250,00 florin, algo cu naturalmente lo bira un otro peso riba e Pueblo cu ja caba mester lidia cu hopi agustacion nan cu e Isla ta biba cune. Apesar cu e banco nan local no ta mucho diacuerdo cu e pensamento di CBA nan lo mester introduci esaki si Banco Central di Aruba no cambia di pensamento.

ARTICULO REVISTA FLORIN  

TRANSFERENCIANAN BANCARIO DEN 'REAL TIME 24/7 NA ARUBA, UN REALIDAD E SIMAN AKI
CBA sinembargo kier impone gastonan adicional riba banconan comercial

ORANJESTAD: Despues cu na 2018, banconan local a stop cu transaccionnan por medio di check sea personal of comercial, Aruba awor lo conoce transaccionnan digital den tempo real -'Real Time' , 24/7, dus anochi y den weekend, di banco pa banco. Den cuestion di 5 seconde placa lo pasa di un cuenta pa un otro, sin importa e banco sender/receiver. E actividad bancario aki no ta nada nobo mundialmente, pero pa Aruba lo ta un milestone logra despues di añanan di espera. Pa logra esaki, banconan local cada un mester a haci inversionnan grandi cu ta core den varios miyon di dollar pa logra e systema aki. Di nos fuentenan cu ta sali di Banconan Comercial y Centrale Bank di Aruba, nos a compronde cu CBA kier impone cargonan adicional pa transferencianan riba 250 florin. Banconan comercial ta prefera di NO hisa e fee aki pa nan clientenan pero lo haya nan mes obliga di haci esaki si CBA impone e fee den discusion aki toch. Sigur ta di compronde cu mester recupera invershon haci pero mester evita cu un biaha mas lo bay ranca sen di pueblo den un fee introduci pa CBA cu nunca mas lo desaparece. Laga nos no lubida e Exchange Margin Rate Commission-EMRC, cu CBA a introduci di 3/8% tres aña pasa.

NOTA: Den cuadro di "transpariencia", vooral den sector gubernamental cu ta asina tan menciona serca nos Ministernan, cual porcierto CBA mes ta un catalizador di e tema aki, nos tin cu puntra nos mes kico lo pasa cu placa aki cu lo genera si CBA toch dicidi pa impone e fee discuti aki riba banconan comercial. No tin duda cu e placa aki lo termina 1 caminda, den caha di CBA mes y lo por unicamente puntra y spera cu e no keda uza pa hisa salario di su miembronan di staff of pa traha kizas un di 2 gym den nan edifico cu esaki. 

ARTICULO CORTECIA REVISTA FLORIN 

 

bank tax

 

banner 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com