Ricky Croes Director di Duana y Omaira Lares Director di Recurso nan Humano di Gobierno mester responsabilisa nan mes pa eror cometi.

 

 Oranjestd, Aruba 

Tanto Sr. Ricky Croes como Sra. Omaira Lares mester responsabilisa nan mes pa cu eror grandi cu a wordo cometi segun Sr. Edward Maduro di Sindicato di Duana (SADA). Manera ta conosi Sindicato di Aduana a denuncia publicamente un promocion ( bevordering ) cu un miembro di e cuepo aki a haya contra di tur regla pa cu e posicion en cuestion despues di no a risibi e atencion debido di Minister encarga cu e departamento aki y tampoco di Minister President. Loke a haci henter e sitacion aki mas Preocupante ta e hecho cu Sr. Edward Maduro a acusa e Director di Duana di a manipula documento y informacion nan pa asina faborece un miembro di e cuerpo aki. Apesar cu e denuncia aki a ser haci basta siman nan atras ta te Diamars cu Sr. Tito Lacle a entrevista Sr. Maduro den su Programa Noticiacla Live henter e situacion aki a conoce otro dimencion unda cu awe mainta propietario di Power FM Sr. Ralph Maduro a entrevista Sr. Lacle riba e tema aki unda cu a categorisa esaki como un situacion Peligroso pa Aruba mirando cu ta pone den un luz sumamente negativo e departamento importante aki manera Duane tanto local como Internacional. Den e entrevista awe mainta a referi fuertemente riba e Hecho cu Sr. Ricky Croes a manipula informacion cu mester a bai departamento di recurso nan humano cu na su turno of tawata complice di esaki of simplemente no a haci su trabou corectamente pa asina verifica y wak cu e persona cu mester a risibi e Promocion aki ( Bevordering ) no lo tin e estudio necesario pa ocupa e posicion cual ta rekeri di un estudio academico pa cu esaki. Maduro tambe a confirma cu documento nan cu esaki no ta prome biaha cu e situacion aki ta presenta y cu documento den man a mustra cu actualmente Cuerpo di Bombero tin un situacion identico tumando lugar asina mustrando cu esaki ta algo cu Director di DRH ta bin ta haciendo sistematicamente cual no ta corecto. Den henter e situacion aki Maduro a sigura cu e lo a purba pa handle esaki den otro forma cu Min. Xiomara Maduro pero no a haya oido y cu tambe e tin un APP ( mensahe ) di Prome Minister Di Aruba cu ta indica na dje cu esaki no ta aceptable, pero te cu awe no a haya ningun update si tin paso nan cu a wordo tuma den henter e situacion aki.

ENTREVISTA AWE MAINTA NA POWER FM 

Den entrevista awe mainta na Power FM cu Sr. Ralph Maduro a sostene cu Sr. Tito Lacle a resalta riba e hecho cu Gobierno di Aruba lo mester instrui un Investigacion inparcial pa sea limpia e nomber di tanto Director di cuerpo di Duana como esun di DRH pa cu e acusacion nan aki, no por ta aceptable cu awor comunidad ta di pensamento cu director nan ta manipula cu informacion te na e punto cu Conseho di Minister ta firma y manda esaki pa Gobernador di Aruba Tambe Firma. Tanto Maduro como Lacle a mustra e gravedad di e asunto aki cu actualmente ta den apelacion despues cu e Miembro di Duane a gana su caso den corte cu consecuencia cu lo por tin repercucion nan grandi Financieramente pa pais Aruba y of lo por tin presedente nan serio. Lacle y tambe Maduro a resalta cu lo spera cu Gobierno haci pronuncia su mes den e ora nan nos dilanti pa asina Mantene integridad y mustra cu nan ta para pa cu esaki. Tanto Ralph Maduro como Tito Lacle a garantisa cu lo sigui e caso aki hopi di serca y no laga esaki muri tanten cu no tin claridad riba henter e asunto aki .

heineken banner

STOP CHILD ABUSE

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com