Apesar di tur e suplica di Prome Minister di Aruba y di KPA dia #2 di toque de queda cu 45 detencion

 TOQUE DE QUEDA CU 45 DETENCION

Diadomingo 22 di maart 2020 Aruba a conoce loke ta TOQUE DE QUEDA. E la bay na vigor di 9or di anochi te pa su mainta 6or. E TOQUE DE QUEDA ta keda na vigor te cu dia 31 di maart 2020.Cuerpo Policial a pone diferente unidad riba caminda pa controla . Den oranan tempran por a conta caba cu e prome detencion. Personanan cu tabata keda mobilisa riba e carteranan di Aruba maske a adverti di tempran cu no ta permiti. Cuerpo Policial a conta cu total di 41 detencion pa e prome anochi di TOQUE DE QUEDA.Cuerpo Policial kier a recorda cu ora ta papia di TOQUE DE QUEDA ta algo hopi serio y mester cumpli cu esaki.TOQUE DE QUEDA kiermen no ta permiti pa abo ta riba caya. Abo como cuidadano keda bo cas. Tene bon cuenta cu esaki .Aruba ta pasando den un tempo dificil pa loke ta e Coronavirus ( COVID-19) y ta pesey gobierno di Aruba a bin cu e TOQUE DE CUEDA.Un palabra di danki y hopi aprrecio pa nos coleganan polis y e parti administrativo cu a sa di traha incansablemente , lagando nan famianan na cas pa asina eherce e trabao di mantene e orden publico y percura pa tur hende cumpli cu ley.Nos di Cuerpo Policial kier ta pidi pueblo di Aruba pa corda riba e distanciamento social, corda laba bo man y desinfecta constantemente. Corda cuida nos grandinan y esnan vulnerabel pa cu e virus aki. 

Corda cu hunto nos por .
Keda cas y flatten the curve

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com