Speed andrade den cuarentena despues cu warda costa a constata di a tene contacto cu piscador nan Venezolano 

Oranjestad, Aruba

Warda Costa ta confirma cu un biaha mas ta descubri Nelson Speed Andrade cumprando pisca for di piscador nan Venezolano. Loke ta haci henter e situashon aki uno hopi sospechoso ta cu Frontera  entre Aruba cu Venezuela ta sera pa varios luna caba y aki ta unda cu henter e caso aki ta hopi stranjo, manera ta conoci barco nan di fruta no por drenta Aruba door di e situacion bilateral entre e dos pais nan, y awor pa haci e situacion mas alarmante ta e virus  cu mundo ta luchando cune esta COVID-19. Diamars atardi warda costa a bin a cu embarcacion (peñero) aden cu dos piscador cu a wordo identifica como Nelson Andrade I.L., diferente departamento nan di gobierno tawata presente entre nan DVG cu a tuma tur e kilo nan di pisca den beslag pa controla cu esaki nan ta apto pa e mercado local mirando cu nan ta di prosedencia di Venezuela. No tin claridad ainda si aki ta papia di contrabando como cu frontera ta sera, no tawata tin ningun tools pa pisca riba e boto cual claramente ta mustra cu aki a drenta Venezuela y cumpra e pisca nan aki y por lo tanto mester a drenta den contacto cu piscador nan Venezolano sin sa si nan lo por ta infecta cu COVID-19. DVG a indica Andrade cu e mester bai den cuarentena door di a drenta venezuela esaki su casa a confirma tambe riba redsocial oras nan despues. No ta conoci si justicia ta bai Persegui e dos persona nan aki pero sigur e ta un situacion hopi sospechoso. 

REACCION DI PARTI PISCADOR NAN LOCAL 

Mester bisa cu pa varios luna caba piscador nan local a bin ta denunciando esaki caba pero tawata sinti cu ta proteha Andrade door cu e ta un persona conoci y e tin e poder di prensa su tras. Sr. Bobby De Kort a denuncia esaki publicamente atraves di media nan local pero nunca a haya oido. Piscador nan cu a manifesta nan mes awe atraves di media nan social a duna di conoce cu esaki ta un Negoshi grandi cu Andrade y un socio cu lo ta of tawata forma parti di warda nos costa ta aden unda cu nan a denomina esaki cu e nomber di (E CARTEL DI PISCA). Sigur e pregunta cu tur ta haci awe ta si esaki lo bai wordo investiga of si lo bai pone man riba cabes di Andrade, si Warda Costa lo bai aclaria esaki mirando cu nan bon nomber di e departamento importante aki por wordo comprometi. Piscador nan local a te hasta lanta nan voz awe y menciona cu poco dia pasa e mesun cartel aki a wordo intersepta pa warda costa y aki a laga nan bai un biaha mas door di e mesun casa di un di e tripulante di e boto door cu su casa ta forma parti di warda costa. 

Pregunta cardinal awor ta ! tin un CARTEL DI PISCA entre Nelson Speed Andrade cu algun miembro di warda costa ?

BOBBY DE KORT TA DENUNCIA SPEED ANDRADE 

 

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com