Di Aruba pa Aruba, inisiativa di ayudo di Power FM 101.7 hunto cu e Comunidad. 

 Oranjestad, Aruba 

Power Fm 101.7 lo cuminsa awe 28 April 2020 cu e bunita projecto di recolecta producto nan comestible y tambe di Hygiana pa asina juda e famia nan mas nesecita den e situacion di crisis actual causa pa COVID-19. Propietario y Locutor di Power FM Sr. Ralph Maduro a wak e nesecidad pa usa e Media importante aki cu ta radio pa asina por juda esnan cu tine hopi mas duro, gobierno di Aruba a senjala cu lo tin 35 mil hende cu lo perde trabou y cu lo mester bai haya un subsidio di 950,00 florin pa Luna cu sigur ta un ayudo importante, pero no lo ta suficiente pa por cubri tur e nesecidad nan basico di un Famia. Propietario di Power a aserca su socio y Director Sr. Ruben Garcia cu e idea aki y mes ora a traha riba dje y a haya apoyo di full e Team di Power FM pa cu esaki. Lo recolecta mas tanto producto durante full e luna di Mei y na final di Luna lo pasa esaki pa departamento di asunto nan Social cu tin e data base di tur e famia nan cu mester ayudo den e momento nan dificil aki. Lugar di entrega lo ta na Studio di Power FM situa na paradera (edificio di BrightBakery) y si tin persona cu no por trasporta su mes pa e lugar di entrega lo por app nos +297 560-7959 nos lo pasa pick up e producto nan. Sigur Producto nan cu tin mester ta comestible mas cu tur cos , Producto nan di limpiesa y tambe producto nan pa baby y mucha. Sigur di awor caba nos kier a gradeci Full e comunidad, ban juda nos Ruman nan  #diaarubapaaruba  

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com