Un Firma Farmaseutico Mericano ta Anuncia test nan positivo pa vacuna di COVID-19

 EE.UU.

E firma Biotechnologia Mericano farmaseutico Moderno ta anuncia awe Dialuna cu e la risibi resultado nan positivo despues di a haci test nan inicial pa un vacuna contra COVID 19. Apesar cu e test nan aki ta den su fase inicial y cu e test nan ta provicional nan ta sumamente satisfecho cu e resultado nan risibi. Test nan a wordo haci den un number chikito di voluntario cu a duna como resultado cu vacunacion di mRNA-1273 ta produci e mesun efect inmune di igual magnitud cu e esun produci pa e infeccion natural, asina e comunicado di Docter Tal Zaks director medico di Moderna a laga sa. Esaki ta sugueri, aunke no ta prueba nan final cu e vacuna aki ta ocaciona un un systema inmune. E compania ta afirma cu e vacuna tin e potencial pa preveni COVID-19. E test nan clinico nan aki ta wordo haci na e Instituto Nacional di Salud Mericano unda Gobierno a inverti mas di 500 miyon USD pa e potencial vacuna aki. E Vacuna contra COVID-19 ta un prioridad Mundial pa asina caba cu e pandemia cu a laga mas di 315.200 morto rond mundo y y mas di 4.7 miyon di caso nan confirma di COVID-19. Diabierna tras di lomba President di Merca Donald Trump a bisa cu e ta spera di tin e vacuna contra COVID 19 pa fin di anja 2020. 

heineken banner  

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com